Viktor Marku i arrestuar si autori kryesor për ekzekutimin e 40-vjeçarit Hekuran Billa nuk ka pranuar të flasë përballë hetuesve.<br />Edhe pse është marrë disa herë në pyetje në lidhje me ngjarjen, ai ka deklaruar se do të flasë vetëm në prani të avokatit, por në një tjetër moment.<br />34-vjeçari u arrestua një ditë më parë në Mal të zi, pasi u shpall në kërkim policor si autor i dyshuar i vrasjes së ndodhur javën e shkuar te Komuna e Parisit.<br />Aktualisht ai po mbahet i izoluar në ambientet e drejtorisë së policisë në Tiranë. Hetuesit kanë dyshime se Marku është personi që ka vrarë Billën mbrëmjen e 11 Qershorit, pasi ky i fundit kishte ekzekutuar në 2006-tën vëllain e tij në Angli, Prel Markun.<br />I arrestuar për këtë ngjarje qëndron edhe Sebastian Mali, nipi i Viktor Markut që dyshohet se ka ndihmuar dajën e vetë për të realizuar vrasjen. Sipas hetuesve, Mali ka vëzhguar lëvizjet e Billës pranë Komunës së Parisit dhe më pas ka informuar autorët. I riu do të përballet mëngjesin e së dielës me gjykatën, pasi prokuroria ka kërkuar ndaj tij masën e arrestit me burg, ndërsa ka mohuar akuzat.<br />Burime nga grupi hetimor bëjnë me dije se, për këtë ngjarje janë në kërkim edhe 3 persona të tjerë, që dyshohet se kanë ndihmuar autorët të kryejnë vrasjen dhe më pas të largohen nga vendi i ngjarjes.<br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
